რაჭაში, კურორტ შოვის მიმდებარე ტერიტორიაზე მესამე დღეა, დაკარგულ ახალგაზრდას, შოთა სამხარაძეს ეძებენ.
როგორც შსს-ს პრესსამსახურში განაცხადეს, ახალგაზრდა მამაკაცის სამძებრო სამუშაოები შეტყობინების საფუძველზე დაიწყეს.
სამართალდამცველები და საგანგებო სიტუაციების მართვის სამსახურის მაშველები აქტიურ საგამოძიებო და სამძებრო სამუშაოებს აწარმოებენ.
საქმეში ჩართული არის ადგილობრივი მოსახლეობაც. რეგიონში ამჟამად თოვლის საფარი დიდია და სამუშაოები გართულებულია.