ქუთაისის შემოვლითი გზა ორმხრივად გაიხსნა

region
ავტ.: region დეკემბერი 30, 2020 12:55

ქუთაისის შემოვლითი გზა ორმხრივად გაიხსნა

საქართველოს რეგიონული განვითარებისა და ინფრასტრუქტურის მინისტრის პირველმა მოადგილემ, საავტომობილო გზების დეპარტამენტის თავმჯდომარემ, ირაკლი ქარსელაძემ 2020 წლის ერთ-ერთ პროექტზე ქუთაისის შემოვლით გზაზე ისაუბრა, სადაც 29 დეკემბერს ორმხრივი მოძრაობა გაიხსნა.

„მიუხედავად პანდემიის გამოწვევებისა, გამორჩეული აღმოჩნდა 2020 წელი. ჩვენ ჯერ კიდევ კოვიდამდე დავაანონსეთ 70 კმ. მაგისტრალური გზის მშენებლობა, რომელიც შესრულებულია. კერძოდ, გუშინ ქუთაისის შემოვლით გზაზე, 40 კმ. აშენებული გზიდან, 19 კმ-იან მონაკვეთს, რომელიც ზაფხულში გავხსენით დაემატა კიდევ 12 კმ-იანი მონაკვეთი და ეტაპობრივად უახლოეს კვირებში მოხდება უკვე სრულად 4 ზოლიანი გზით სარგებლობა. ამ ეტაპზე, 10 კმ-იანი მონაკვეთია, სადაც საბოლოო სამუშაოები მიმდინარეობს და საგზაო უსაფრთხოების გათვალისწინებით 2 ზოლიანი მოძრაობაა, თუმცა რამდენიმე კვირაში სრულად 4 ზოლიანი გახდება აქაც მოძრაობა. ჩვენ უკვე შეგვიძლია აღმოსავლეთ-დასავლეთის დერეფნით სარგებლობისას გვერდი ავუაროთ ქუთაისს და შესაბამისად გავანახევროთ გადაადგილების დრო და ასევე განვტვირთოთ ქალაქი ქუთაისი.

საბოლოო ჯამში, წლის განმავლობაში გაიხსნა ხაშურის შემოვლითი 13 კმ-იანი გზა, ქუთაისის შემოვლითი გზა და ჯაპანა-ლანჩუთის 14 კმ-ინი მონაკვეთი. ამ მონაკვეთების საშუალებით, იანვრიდან ჩვენს მოსახლეობას საშუალება ექნება დაზოგოს 1 საათი და თბილისიდან ბათუმამდე 5 საათის ნაცვლად 4 საათში ჩავიდეს“, – აღნიშნა ირაკლი ქარსელაძემ.

region
ავტ.: region დეკემბერი 30, 2020 12:55

Google სტატისტიკა


5,154
ვიზიტორი
დღეში
Powered By Google Analytics