ამინდის გაუარესების გამო, ქუთაისის საერთაშორისო აეროპორტი შეფერხებით მუშაობს.
ავიაკომპანია „ვიზეარის“ საჰაერო ხომალდი, რომელიც მემინგენი-ქუთაისის ავიარეისს ასრულებდა, ძლიერი ყინვისა და თოვლის გამო, ქუთაისის ნაცვლად, თბილისის საერთაშორისო აეროპორტში დაეშვა. ასევე, გაუქმებულია სალონიკის რეისი.
ცვლილება შეეხო სოფიისა და ბუდაპეშტის მიმართულებით ფრენებსაც. კერძოდ, ბულგარეთის მიმართულების რეისი 14:30 საათზე შესრულდება, ბუდაპეშტიდან თვითმფრინავი დილის 05:40 საათზე ჩამოფრინდება, ქუთაისიდან კი, 06:20 საათზე გაემგზავრება.
ავიარეისებთან დაკავშირებით განახლებული ინფორმაცია ქუთაისის საერთაშორისო აეროპორტის „ფეისბუქის“ გვერდზეა გამოქვეყნებული, რომლის თანახმადაც, ვარშავიდან თვითმფრინავი 18 დეკემბერს, 06:10 საათზე ჩამოფრინდება, ხოლო ქუთაისიდან რეისი 06:40 საათზე შესრულდება.
სოფიას მიმართულებით ავიარეისი 14:30 საათზე შესრულდება.
