ქუთაისის ინფექციურ საავადმყოფოს 11 კოვიდინფიცირებული დაემატა, ოთხი პაციენტი კი გამოჯანმრთელდა.
კლინიკის სამედიცინო დირექტორის, ნოდარ მაღლაფერიძის განცხადებით, ყველა მათგანი ქუთაისიდანაა.
„დაგვემატა 11 ინფიცირებული, გამოჯანმრთელდა ოთხი. ამ ეტაპზე, კლინიკის ბოქსირებულ განყოფილებაში მკურნალობას გადის 63 პაციენტი, მათგან რვა მძიმეა, ერთი კრიტიკულად მძიმე“, – განაცხადა მაღლაფერიძემ.
ქუთაისის ინფექციურ საავადმყოფოში ვირუსი ჯამში 123-მა პაციენტმა დაამარცხა.
