მართვის მოწმობაზე დარიცხული 100 ქულა, ქულების სისტემის შემოღების შემდეგ, 141 პირს ამოეწურა.
საქართველოს შინაგან საქმეთა სამინისტროს მიერ გავრცელებული სტატისტიკური მონაცემების მიხედვით, მართვის უფლების შეჩერების ვადის გასვლის შემდგომ, უფლება აღუდგა – 17 პირს, ხოლო გამოცდის ჩაბარებით მართვის უფლება აღუდგა – 12 პირს.
რაც შეეხება სხვადასხვა დარღვევებისთვის, მართვის მოწმობაჩამორთმეულ პირებს, შსს-ს ცნობით, საპატრულო პოლიციის დეპარტამენტს მართვის უფლების ვადამდე აღდგენის შესახებ განცხადებით მიმართა – 8029 პირმა, აქედან დაკმაყოფილდა 1359 განცხადება.
მონაცემები 2017 წლის ივლისიდან 2019 წლის მარტის ჩათვლით ვითარებას ასახავს.
