„ქართულმა ოცნებამ“ კორონავირუსი იმდენად გვერდში დაიყენა, რომ მანაც სიყვარულით უპასუხა და პოლიტიკურ სპექტრში დაინფიცირება „ქართული ოცნების“ ოფისიდან დაიწყო

ხუმრობით ვიტყვი, „ქართულმა ოცნებამ“ კორონავირუსი იმდენად გვერდში დაიყენა, რომ მანაც სიყვარულით უპასუხა და პოლიტიკურ სპექტრში დაინფიცირება „ქართული ოცნების“ ოფისიდან დაიწყო, – ამის შესახებ პარტია „ლელოს“ წევრმა, ლევან კობერიძემ ჟურნალისტებს განუცხადა.

წინასაარჩევნო გარემოს შეფასებისას, კობერიძემ აღნიშნა, რომ „ქართული ოცნება“ კორონავირუსის თემას სათავისოდ იყენებს.

,,საარჩევნო გარემო კარგს არაფერს მოასწავებს. „ქართულ ოცნებას“ დიდი ხანია, დაწყებული აქვს წინასაარჩევნო კამპანია ბიუჯეტის ხარჯზე მომრჩევლის მოსყიდვის გზით. ძალოვანი სტრუქტურები ჰყავს ჩართული და ადმინისტრაციულ რესურს იყენებს. რაც შეეხება იმას, რომ კორონავირუსის თემას საბოლოოდ თავისთვის საარჩევნოდ იყენებს, მგონი ესეც გასაგებია. ხუმრობით ვიტყვი, რომ „ქართულმა ოცნებამ“ კორონავირუსი იმდენად გვერდში დაიყენა და მოკავშირედ გაიხადა, რომ კორონავირუსმაც სიყვარულით უპასუხა და პოლიტიკურ სპექტრში დაინფიცირება „ქართული ოცნების“ ოფისიდან დაიწყო. რეალობა გავქვს ასეთი, „ქართული ოცნება“ კორონავირუსთან და მიხეილ სააკაშვილთან ერთან აპირებს, ჩაატაროს საარჩევნო კამპანია და მოსახლეობას სჭირდება ახალი ალტერნატიული პოლიტიკური ძალა. ასეთი ძალა არის „ლელო საქართველოსთვის“, – განაცხადა კობერიძემ.

banner
წინა სტატიაშიკედლის აღდგენისთვის დახარული 50 ათასი ლარი,რომელიც ისევ დაზიანებულია
შემდეგი სტატიაბოკუჩავა “ოცნებას”-ვერ ინელებთ მიშას გულწრფელობას