პარტია ქართული ოცნების ცენტრალურ ოფისთან, სადაც ამ წუთებში პოლიტსაბჭოს სხდომა მიმდინარეობს, საფინანსო კომპანია საქართველოს მეანაბრეები არიან შეკრებილები. აქციის მონაწილეები მმართველი პარტიისგან დახმარებას ითხოვენ. მათი თქმით, უკვე 3 თვეა საფინანსო კომპანია საქართველოს მენეჯმენტი უარს ამბობს მათ წინაშე ნაკისრი ვალდებულებების შესრულებაზე. კერძოდ საუბარია იმ თანხებზე, რომელიც საფინანსო კომპანიაში მეანაბრეებმა სარგებლის მიღების მიზნით განათავსეს.
მათი თქმით ჯამში 3 ათასამდე მოქალაქეა დაზარალებული, ხოლო ჯამური თანხა, რომელიც საფინანსო კომპანიას მართებს მეანაბრეების წინაშე, 30 მილიონ ლარს აღწევს.
