მთავრობის ბრალდებებს, რომ პანდემიის გავრცელებას ისინი პარლამენტთან გამართულ აქციებს უკავშირებენ, ოპოზიციაში პასუხობენ.
ოპოზიცია ხელისუფლებას პანდემიის მართვის ჩაგდებაში ადანაშაულებს.
“სამწუხაროა და არც პირველი შემთხვევა, რომ “ქართული ოცნება” მუდმივად კოვიდის სიტუაციას იყენებს პარტიული პოლიტიკური მიზნებისთვის. მთელი ზაფხული გვესმოდა, რომ დამარცხებულია კოვიდი. ეს ის თემა არ არის, სადაც ასეთ გადაბრალებაზე უნდა ვისაუბროთ. საარჩევნო პერიოდში ისინი აბსოლუტურად მშვიდად ატარებდნენ ყველანაირ შეხვედრას, რაც უნდოდათ, მერე გააყალბეს არჩევნები და ადამიანებს უთხრეს, რომ კი გაგიყალბეთ არჩევნები, მაგრამ ახლა ხმა არ ამოიღოთ. ასე არც კოვიდი გვარდება, არც პოლიტიკური კრიზისი განიმუხტება,” – განაცხადა ელენე ხოშტარიამ.
