სოციოლოგი ზურაბ ბიგვავა შიდა კვლევებს ასაჯაროებს. კვლევის მიხედვით, “ქართულ ოცნებას” მოსახლეობის 35% უჭერს მხარს, “ნაციონალურ მოძრაობის” მხარდამჭერთა რაოდენობა კი 13% – მდე შედგება.
ბიგვავამ ამის შესახებ “საზოგადოებრივი მაუწყებლის” ეთერში ისაუბრა და აღნიშნა, რომ მონაცემები წინა თვის კვლევისგან განსხვავებულია.
“წინა კვლევის შედეგების მიხედვით, დაახლოებით ერთი თვის წინ, “ქართული ოცნება” იყო 30%-მდე, “ნაციონალური მოძრაობა” კი, სადღაც 15%-მდე. ახლა “ნაციონალური მოძრაობა” არის 13% – მდე, “ქართული ოცნებას” კი 35% აქვს. ეს რეალობაა და სხვადასხვა გვერდითი მონაცემებიც ადასტურებენ ამას”,- აღნიშნა ბიგვავამ.
შეგახსენებთ, რომ 28 ივნისს, დევნილთა მინისტრმა სოზარ სუბარმა გადაცემა “არჩევანში” განაცხადა, რომ კვლევის შედეგები გახდებოდა ცნობილი.
