რუსეთის პრეზიდენტმა ვლადიმერ პუტინმა „როსკოსმოსის“ ხელმძღვანელი დიმიტრი როგოზინი თანამდებობიდან გაათავისუფლა. ამის შესახებ „ინტერფაქსი“ იუწყება.
როგოზინის ნაცვლად ამ თანამდებობას იური ბორისოვი დაიკავებს, რომელიც მანამდე რუსეთის მთავრობაში ვიცე-პრემიერის თანამდებობას იკავებდა.
როგოზინის გათავისუფლების მიზეზებზე საუბარი არ არის. რაც შეეხება იური ბორისოვს, ის მთავრობაში სამხედრო-სამრეწველო კომპლექსს კურირებდა.
