2016-2017 სასწავლო წლისთვის პირველკლასელთა საყოველთაო ელექტრონული რეგისტრაცია 4 მაისს, 09.00 საათზე დაიწყება და 25 მაისს, 20:00 დასრულდება.
ამის შესახებ დღეს გამართულ ბრიფინგზე განათლების მინისტრის მოადგილემ, ლია გიგაურმა განაცხადა.
მისივე ინფორმაციით, რეგისტრაცია განათლების მართვის საინფორმაციო სისტემის სპეციალურ ვებგვერდზე – registration.emis.ge-ზე განხორციელდება.
ახალი სასწავლო წლისთვის პირველკლასელებისთვის 70 500 ადგილია გამოყოფილი.
განათლების მინისტრის მოადგილე ლია გიგაური აცხადებს, რომ არც ერთი პირველკლასელი სკოლებში ადგილის გარეშე არ დარჩება.