თბილისში, პეკინის ქუჩაზე მაღაზია „აიპლიუსი“ გაქურდეს. როგორც მაღაზიაში აცხადებენ, დაახლოებით ღამის ოთხ საათზე ვიტრინა გატეხეს და რამდენიმე ტელეფონი გაიტაცეს. ზარალი სავარაუდოდ 15 ათასი ლარია.
ადგილზე პოლიცია იყო მობილიზებული. სამართალდამცველები სათვალთვალო კამერების ჩანაწერებს ამოწმებენ.
შსს-ში აცხადებენ, რომ მომხდართან დაკავშირებით გამოძიება სისხლის სამართლის კოდექსის 177-ე მუხლით მიმდინარეობს, რაც ქურდობას გულისხმობს.
მაღაზია „აიპლიუსი“ წარსულში რამდენჯერმე დააყაჩაღეს და გაქურდეს.
