პატრონის მიერ ძაღლის ან კატის მიტოვებისთვის ჯარიმები დაწესდება.
ფიზიკური პირის შემთხვევაში გათვალისწინებულია ჯარიმა 500 ლარის ოდენობით, იურიდიული პირის შემთხვევაში 1000 ლარის ოდენობით. განმეორების შემთხვევაში კი ჯარიმები გაორმაგდება.
პარლამენტის წევრმა, ლევან იოსელიანმა პლენარულ სხდომაზე პირველი მოსმენით განსახილველად გაიტანა კანონპროექტი „საქართველოს ადმინისტრაციულ სამართალდარღვევათა კოდექსში ცვლილებების შესახებ“, რომელიც ითვალისწინებს ადმინისტრაციული პასუხისმგებლობის დაწესებას პატრონის მიერ ძაღლის ან კატის მიტოვებისთვის.