“პატრიოტთა ალიანსი”ოპოზიციის კვოტით გათვალისწინებულ ვიცე სპიკერის თანამდებობაზე ირმა ინაშვილის კანდიდატურის დასახელებას გეგმავს. რაც შეეხება მე-9 მოწვევის პარლამენტის საქმიანობას, უმცირესობაში არ გამორიცხავენ, რომ უმრავლესობამ საქმიანობის პირველივე ეტაპზე, კონსტიტუციაში დაანონსებული საკონსტიტუციო ცვლილებები შეიტანოს.
„მცირერიცხოვანი ვართ წარმოდგენილი მე-9-ე მოწვევის პარლამენტში, შესაბამისად ვიცე სპიკერის პოსტი გვეკუთვნის, ამას ვითხოვთ და წარდგენილი იქნება ირმა ინაშვილი. ოთხი დეპუტატი იქნება, რომელიც შეიძლება წარდგენილ იქნეს ჩვენს მიერ სხვადასხვა კომიტეტებში,“-აცხადებს “საქართველოს პატრიოტთა ალიანსის” აღმასრულებელი მდივანი გოჩა თევდორაძე.