საერთაშორისო პარტნიორები მზად არიან უკრაინას F-16-ის ტიპის გამანადგურებლები მიაწოდონ, მაგრამ ამისთვის შესაბამისი ინფრასტრუქტურის შექმნაა საჭირო, – ამის შესახებ უკრაინის პრეზიდენტმა ვოლოდიმირ ზელენსკიმ განაცხადა.
მისივე თქმით, ნაკლებად სავარაუდოა, რომ ინფრასტრუქტურის მომზადება სწრაფად განხორციელდეს.
„რაც შეეხება F-16-სა და ინფრასტრუქტურას. ინფრასტრუქტურა არ არის, აშენდება და მომზადდება. სანამ არ იქნება შეთანხმება, რომ შესაბამისი თვითმფრინავი გვეყოლება, აზრი არ აქვს მის მომზადებას. მოლდოვაში მე მქონდა ერთი დახურული შეხვედრა ქვეყნებთან, რომლებმაც დაადასტურეს, რომ ისინი აუცილებლად მოგვცემენ F-16-ებს“, – განაცხადა ზელენსკიმ.
