ფაქტობრივად ირაკლი კობახიძე გადაეფარა გუნდს – ეს განცხადება შს მინისტრმა გააკეთა. გიორგი გახარიამ 20 ივნისს, რუსი დეპუტატების ვიზიტზე, მთავრობის სხდომის დასრულების შემდეგ ისაუბრა.
გახარია ამბობს, რომ ირაკლი კობახიძე არ იყო ბმაში, პარლამენტში განვითარებულ მოვლენებთან, ის საერთოდ არ იმყოფებოდა ქვეყანაში, თუმცა აიღო პასუხისმგებლობა, გადადგა ღირსეული ნაბიჯი და დატოვა თანამდებობა.
გიორგი გახარია ამბობს, რომ სერგეი გავრილოვის და სხვა რუსი დეპუტატების პარლამენტში ყოფნა და ასამბლეის საკანონმდებლო ორგანოს ხელმძღვანელის ადგილიდან გაძღოლა იყო არასწორი.
