პანკისის ხეობის სოფლებს ელექტროენერგიის მიწოდება აღუდგა.
კახეთის გუბერნატორის, ირაკლი შიოშვილის განცხადებით, მდინარე ალაზანში წყლის დონის დაკლების შემდეგ შესაძლებელი გახდა, „ენერგოპრო ჯორჯიას“ სპეცტექნიკის ადგილამდე მისვლა და მდინარის მიერ წაღებული მაღალი ძაბვის ელექტროგადამცემი ხაზის აღდგენა.
კახეთში უხვი ნალექის შედეგად ადიდებულმა მდინარე ალაზანმა მაღალი ძაბვის საყრდენები წაიღო, რის გამოც პანკისის ხეობის სოფლები: ზემო, ქვემო და შუა ხალაწანის მოსახლეობა, ელექტროენერგიის გარეშე დარჩა.
