ნუცუბიძის ქუჩაზე გარდაცვლილი პაატა პავლიაშვილის ოჯახს დაზარალებულის სტატუსის მინიჭებაზე პროკურატურამ უარი უთხრა.
საია-ს იურისტის, ლევან ვეფხვაძის თქმით, უწყების მხრიდან უარის მიზეზი წერილში იმ არგუმენტით არის გამართლებული, რომ ამ ეტაპზე გამოკვეთილი ბრალდებული არ არსებობს . როგორც ვეფხვაძე აცხადებს, ოჯახს საქმის მასალების გაცნობის საშუალება პროკურატურის კეთილი ნების საფუძველზე მაინც ეძლევა.
ლევან ვეფხვაძის თქმით, მომავალ კვირაში ოჯახი საქმის მასალებს და გამოძიების მიმდინარეობას პროკურატურაში კვლავ გაეცნობა.
ამ ეტაპზე პავლიაშვილის ოჯახის წევრები ექსპერტიზის პასუხს ელოდებიან, რომელიც არა უგვიანეს 45 დღისა უნდა იყოს მზად.
