ოზურგეთში საპატრულო პოლიციის ეკიპაჟს ცოტა ხნის წინ ცეცხლი გაუხსნეს. მანქანა, რომელსაც ნატყვიარი ეტყობა, სამხარეო პოლიციის ეზოშია გადაყვანილი.
პოლიციაში კომენტარს არ აკეთებენ. შინაგან საქმეთა სამინისტროში კი აცხადებენ, რომ ინციდენტი 19 მარტს, ღამით მოხდა. საპატრულო პოლიციის ეკიპაჟმა სოფელ ძიმითში გადამოწმების მიზნით მანქანა შეაჩერა, მისმა მგზავრმა პოლიციის მანქანის მიმართულებით გაისროლა და შემთხვევის ადგილიდან მიიმალა.
საქმეზე გამოძიება ორი მუხლითაა დაწყებული, რაც ძალოვანი უწყების თანამშრომელზე თავდასხმას და იარაღის მართლსაწინააღმდეგო შეძენა-შენახვა-ტარებას გულისხმობს.