ოზურგეთის მერობის დამოუკიდებელი კანდიდატი გოჩა ძიმისტარიშვილი ვანო ჩხარტიშვილსა და “ქართულ ოცნებას” მოქალაქეებზე ფიზიკურ ძალადობასა და შანტაჟში ადანაშაულებს.
ძიმისტარიშვილის ინფორმაციით, ლევან თავდიშვილზე განხორციელებული თავდასხმის უკან სწორედ ჩხარტიშვილის “ზონდერი ბრიგადები” დგას.
მომხდარის დეტალებს იხსენებს თავად ლევან თავდიშვილიც და ამბობს, რომ მას ხელისუფლებასთან დაახლოებულმა კრიმინალებმა სცემეს.
მოტივი დაზარალებულისთვის უცნობია და ამბობს რომ თავდამსხმელებმა 12 წლის წინანდელი საქმე – მიწის დავა გაუხსენეს.
მერობის დამოუკიდებელი კანდიდატი კი მომხდარს პოლიტიკურ მოტივებს უკავშირებს.
