ოკუპანტების ტყვეობიდან კიდევ 17 უკრაინელი გათავისუფლდა. გაცვლა პროპორციით 17/15-ზე მოხდა, რაც იმას ნიშნავს, რომ უკრაინელებმა თავის მხრივ 15 სამხედრო ტყვე გაათავისუფლეს. ამის შესახებ ინფორმაციას უკრაინის თავდაცვის სამინისტროს დაზვერვის მთავარი სამმართველო ავრცელებს.
„სახლში ბრუნდება 16 უკრაინელი სამხედრო მოსამსახურე, რომელთაგან 2 ოფიცერი და 14 ჯარისკაცია. გათავისუფლდა ასევე ერთი სამოქალაქო პირი“,- ნათქვამია დაზვერვის მთავარი სამმართველოს განცხადებაში.
მათივე ცნობით, გათავისუფლებულთაგან 5 მძიმედ არის დაშავებული და საჭიროებენ გადაუდებელ მკურნალობას.
„საკოორდინაციო შტაბის მუშაობა ტყვეობაში მყოფი ყველა უკრაინელის დასაბრუნებლად გრძელდება“,-ნათქვამია განცხადებაში.
