ნუკრი ქანთარია : საკმარისი ხალხია იმისთვის, რომ „მაუწყებლობის შესახებ“ საკანონმდებლო პაკეტზე ვეტო დაიძლიოს

ქეთი ფერაძე
ავტ.: ქეთი ფერაძე თებერვალი 19, 2018 11:24

აპარლამენტო უმრავლესობის წევრ ნუკრი ქანთარიას განცხადებით, „მაუწყებლობის შესახებ“ საკანონმდებლო პაკეტზე, რომელსაც პრეზიდენტმა ვეტო დაადო, კენჭისყრაში მონაწილეობას არ მიიღებს.

როგორც ქანთარიამ უმრავლესობის სხდომის დაწყებამდე ჟურნალისტებს განუცხადა, საკმარისი ხალხია იმისათვის, რომ პარლამენტმა პრეზიდენტის ვეტო დაძლიოს.

„საკმარისი ხალხია იმისთვის, რომ ვეტო იქნეს დაძლეული. არის გარკვეული რაოდენობა, რომელიც ალბათ კენჭისყრაში არ მიიღებს მონაწილეობას, მათ შორის მეც.

მე მქონდა განსხვავებული პოზიცია, ვფიქრობ, გარკვეული ხნით მიგვეცა საზოგადოებრივი მაუწყებლისთვის ეს შეღავათები, რადგან ისინი ამბობდნენ, რომ სხვა სიმაღლეზე ავიდოდნენ. ვფიქრობდი, რომ ერთი წლით ჩვენც შეგვეძლო კანონში შეგვეტანა ასეთი ცვლილება, ამას არ დაუჭირეს მხარი, ამიტომ მეც ბუნებრივია ვარ ჩემს პოზიციაზე,“ – განაცხადა ნუკრი ქანთარიამ.

პარტია „ქართული ოცნების“ ცენტრალურ ოფისში „მაუწყებლობის შესახებ“ საკანონმდებლო პაკეტზე უმრავლესობის ფორმატში შეხვედრა მიმდინარეობს.

ქეთი ფერაძე
ავტ.: ქეთი ფერაძე თებერვალი 19, 2018 11:24

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,027
ვიზიტორი
დღეში
Powered By Google Analytics