საპარლამენტო უმრავლესობის წევრის, ნუკრი ქანთარიას შეფასებით, საპრეზიდენტო არჩევნების შედეგებს „ევროპული საქართველო“ უფრო რეალურად აღიქვამს, ვიდრე „ნაციონალური მოძრაობა“.
დეპუტატი არჩევნების თაობაზე ოპოზიციონერი დეპუტატის, ნიკა მელიას განცხადებებს გამოეხმაურა, რომელიც აღნიშნა, რომ გაერთიანებული ოპოზიცია გაყალბების ამსახველ მასალებს გამოაქვეყნებს.
„არჩევნებზე ხარვეზები იყო, მაგრამ გავლენა არ ჰქონია და დარღვევების პროცენტი მაღალი არ ყოფილა. ხელისუფლება არჩევნებს ვერ გააყალბებდა, რადგან სხვაობის პროცენტი მაღალია. ნიკა მელია წარმოუდგენელ რამეს ამბობს და თუ რამე დოკუმენტები და ვიდეო აქვს, გაასაჯაროოს, მაგრამ ორღობის ჭორიკანას დაემსგავსა. თურმე, 90-იან წლებში ქვემეხებით დავდიოდი. იციან, რომ შედეგზე ვერ გავლენ. მათი განაყოფი გაცილებით რეალურად აღიქვამს მოვლენებს. ესენიც აღიქვამენ, მაგრამ სურთ, ხალხს საკენკი გადაუგდონ, თითქოს, რაღაცას აპროტესტებენ. ჩხუბის შემდეგ ბაქი-ბუქობენ“, – დასძინა ნუკრი ქანთარიამ.
