20 ივნისის საქმეზე თბილისის საქალაქო სასამართლოში მთავარი ოპოზიციური პარტიის ლიდერისა და ოპოზიციის მერობის კანდიდატის, ნიკა მელიას სასამართლო პროცესი გაიმართება. სხდომა 16:00 საათზეა ჩანიშნული.
დღევანდელ პროცესზე მელიას უფლებადამცველები პრემიერმინისტრის, ირაკლი ღარიბაშვილის გამოკითხვის შუამდგომლობას დააყენებენ.
მანამდე კი თბილისის საქალაქო სასამართლოში კიდევ ერთი პოლიტიკური საქმის განხილვა მიმდინარეობს. ხაზარაძე-ჯაფარიძე-წერეთლის საქმეზე დღეს სასამართლო კვლავ წერილობით მტკიცებულებებზე იმსჯელებს. სავარაუდოდ, დღესვე გამოკითხავენ დარჩენილ რამდენიმე მოწმეს.
უფლებადამცველების განმარტებით, მათთვის პოლიტიკურ მოტივებზე პროცესების არჩვენებამდე დაჩქარებული წესით განხილვაც მიუთითებს.