ნატოს ყველა წევრი ქვეყანა მხარს უჭერს აშშ-ს მიერ ახლო და საშუალო სიშორის რაკეტების ლიკვიდაციის შეთანხმებიდან გასვლას – ამის შესახებ ჩრდილოატლანტიკური საბჭოს მიერ გავრცელებულ განცხადებაშია ნათქვამი, რომელიც ნატოს ძირითადი პოლიტიკური ორგანოა, სადაც ალიანსის წევრი ყველა ქვეყანა შედის. განცხადება პარასკევს, 1 თებერვალს აშშ-ს გენერალური მდივნის მაიკ პომპეოს მიერ გაკეთებული განცხადების შემდეგ გავრცელდა, სადაც მან თქვა, რომ შეერთებული შტატები 2 თებერვლიდან შეთანხმების პასუხისმგებლობებს იხსნის თავიდან – “დოიჩე ველე” წერს.
ჩრდილოეთატლანტიკის წევრი ქვეყნები მწუხარებას გამოთქვამენ იმის გამო, რომ რუსეთმა შეთანხმების შესანარჩუნებლად ნაბიჯები არ გადადგა. 2 თებერვალს ექსვთვიანი ვადა დაიწყება, რომლის მერეც აშშ შეწყვეტს შეთანხმების წევრი იყოს.
ახლო და საშუალო სიშორის რაკეტების ლიკვიდაციის შესახებ შეთანხმება 1987 წელს საბჭოთა კავშირის პრეზიდენტს მიხეილ გორბაჩოვსა და აშშ-ს პრეზიდენტს რონალდ რეიგანს შორის გაფორმდა. საშუალო და ახლო მანძილის რაკეტები მსოფლიოსთვის ყველაზე დიდ საფრთხეს წარმოადგენენ, რადგანაც მიზნამდე მისასვლელად რამდენიმე წუთი სჭირდებათ ისე, რომ მეორე მხარეს თავდაცვის საშუალებას არ უტოვებს.
