ნათია თურნავა – მინისტრად პრემიერის გადაწყვეტილებით დავინიშნე, ამ თანამდებობაზე სხვა რეკომენდატორი არ მყოლია

region
: region მაისი 30, 2019 15:34

ნათია თურნავა – მინისტრად პრემიერის გადაწყვეტილებით დავინიშნე, ამ თანამდებობაზე სხვა რეკომენდატორი არ მყოლია

ეკონომიკისა და მდგრადი განვითარების მინისტრად მხოლოდ პრემიერ-მინისტრის გადაწყვეტილებით დავინიშნე, ამ თანამდებობაზე სხვა რეკომენდატორი არ მყოლია, – ამის შესახებ ეკონომიკისა და მდგრადი განვითარების მინისტრმა, ნათია თურნავამ განაცხადა.

მინისტრს ჟურნალისტებმა კითხვა დაუსვეს, რას უპასუხებდა განცხადებებს იმის შესახებ, რომ მინისტრად ვანო ჩხარტიშვილის სურვილით დაინიშნა

თურნავას თქმით, ის სხვადასხვა მთავრობისა და მინისტრის დროს მუშაობდა და ემსახურებოდა არა კონკრეტულ პოლიტიკურ ძალას, არამედ ქართულ ეკონომიკას.

„ვანო ჩხარტიშვილი არის ჩემი ერთ-ერთი მინისტრი, რომელთან ერთადაც ვმუშაობდი 20 წლის წინ, ისევე, როგორც ცხრა სხვა მინისტრი მყავდა. აქედან გამომდინარე, დავინიშნე მხოლოდ და მხოლოდ პრემიერ-მინისტრის გადაწყვეტილებით. ამ თანამდებობაზე მე სხვა რეკომენდატორი არ მყოლია. სხვადასხვა მთავრობის და სხვადასხვა მინისტრის დროს ვმუშაობდი. ეს მე არანაირ უხერხულობას არ მიქმნის, რადგან ყოველთვის ვემსახურებოდი ქართულ ეკონომიკას და არა, კონკრეტულ პოლიტიკურ ძალას ან კონკრეტულ მინისტრს“, – განაცხადა ეკონომიკისა და მდგრადი განვითარების მინისტრმა.

ნათია თურნავა ეკონომიკის მინისტრის თანამდებობაზე გიორგი ქობულიას მინისტრობიდან გათავისუფლების შემდეგ დაინიშნა. მანამდე ის, მინისტრის მოადგილე იყო.

region
: region მაისი 30, 2019 15:34

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


8,971
ვიზიტორი
დღეში
Powered By Google Analytics