მთავრობის ადმინისტრაციის შენობის წინ მოძრაობა “ეროვნული ძალის” აქტივისტები აქცია-პერფორმანსს მართავენ. როგორც აქტივისტები აცხადებენ, ისინი კავკასიის რეგიონში არსებულ რუსულ პოლიტიკას აპროტესტებენ.
„ჩვენ ასევე ვაპროტესტებთ ინგუშეთისა და ჩეჩნეთის ხელმძღვანელების შეთანხმებას და ინგუშეთის ტერიტორიის ნაწილის ჩეჩნეთისთვის გადაცემას“, – აღნიშნავენ აქციის მონაწილეები. აქციას “საქართველოს ეროვნული ერთობის” აქტივისტებიც შეუერთდნენ. მთავრობის ადმინისტრაციის შენობის წინ მობილიზებულია საპატრულო პოლიციაც.