მთავრობა გაზიფიცირებას 19 მუნიციპალიტეტის 80 სოფელსა და ერთ ქალაქში განახორციელებს

თაიმერი timer.ge
ავტ.: თაიმერი timer.ge აპრილი 4, 2018 12:31

მთავრობა გაზიფიცირებას 19 მუნიციპალიტეტის 80 სოფელსა და ერთ ქალაქში განახორციელებს

მთავრობის დღევანდელ სხდომაზე პრემიერმა განაცხადა, რომ გაზიფიცირებისთვის საჭირო საპროექტო და სამშენებლო სამუშაოებს საქართველოს მთავრობა კიდევ 19 მუნიციპალიტეტის 80 სოფელსა და ერთ ქალაქში განახორციელებს.

„მასშტაბური სამუშაოები, რომელიც სახელმწიფო ბიუჯეტიდან 39,5 მლნ ლარით დაფინანსდება, განხორციელდება დედოფლისწყაროს, ქობულეთის, ლანჩხუთის, ჩოხატაურის, თერჯოლის, წყალტუბოს, ლაგოდეხის, დუშეთის, მცხეთის, სენაკის, ბოლნისის, გორის, კასპის, ქარელის, ხაშურის, გარდაბნის, ზუგდიდის და ხობის მუნიციპალიტეტების არაერთ სოფელში, ასევე – ქალაქ მარტვილში, გაზიფიცირების გარეშე დარჩენილ უბნებში.

როგორც საქართველოს პრემიერ-მინისტრმა გიორგი კვირიკაშვილმა მთავრობის დღევანდელ სხდომაზე განაცხადა, 2013-2017 წლებში 80 ათას ახალ ოჯახს მიეწოდა ბუნებრივი აირი მთავრობის მიერ განხორციელებული გაზიფიცირების სამუშაოების შედეგად; ახალი სამუშაოები კი დამატებით 17 517 ოჯახის გაზიფიცირებას ითვალისწინებს, რაც, მოსახლეობის საცხოვრებელი პირობების გაუმჯობესების კუთხით, ძალიან მნიშნელოვანია“, – განაცხადა პრემიერმა.

თაიმერი timer.ge
ავტ.: თაიმერი timer.ge აპრილი 4, 2018 12:31

Google სტატისტიკა


5,794
ვიზიტორი
დღეში
Powered By Google Analytics