საგარეჯოს მუნიციპალიტეტის სოფელ ქეშალოში 30წლამდე მამაკაცი თანასოფლელმა ცივი იარაღით მოკლა. შემთხვევა დაახლოებით ერთი საათის წინ მოხდა. გავრცელებული ინფორმაციით, მკვლელობა ვალს უკავშირდება. სამართალდამცავებმა ცხედარი ექსპერტიზაზე გადაასვენეს. შემთხვევის ადგილზე სამართალდამცავები და ექსპერტ-კრიმინალისტები მუშაობენ. შინაგან საქმეთა სამინისტროს ინფორმაციით, მკვლელობაში ბრალდებული პირის ვინაობა დადგენილია და მის დასაკავებლად მიმდინარეობს ინტენსიური სამძებრო მოქმედებები. უწყების ინფორმაციით, გამოძიება 108-ე მუხლით მიმდინარეობს, რაც განზრახ მკვლელობას გულისხმობს.