“მკვლელის ვინაობა ნათქვამი აქვს, როგორც ჩანს, ისეა ლაპარაკი. ერთი ნამდვილად ვიცით, რომ დოდომ იცის ვინ არის მკვლელი”, – ამის შესახებ ჟურნალისტებს დოდო გუგეშაშვილის ახლობელმა ლერი ქემოკლიძემ განუცხადა. ქემოკლიძე სვანეთის უბანში, დოდო გუგეშაშვილის ძმის სახლში, სადაც დოდო გუგეშაშვილის შვილი, ნოდარ გუგეშაშვილი გადაასვენეს, სამძიმარზე იმყოფებოდა. მას არ აქვს ინფორმაცია, ბოლო პერიოდში იყო თუ არა დოდო გუგეშაშვილის ან მისი შვილის მიმართ რაიმე მუქარა.
