გასარკვევი ის არის, ვინ იყვნენ ის ადამიანები, ვინც ძალადობდნენ- ეს განცხადება ფოთისა და ხობის მიტროპოლიტმა, მეუფე გრიგოლმა, 5-6 ივლისს განვითარებულ პროცესებზე გააკეთა და აღნიშნა, რომ მსგავსი მოვლენები ჩრდილს აყენებს სახელმწიფოსაც და ქრისტიანობასაც
„გასარკვევი ის არის, ვინ იყვნენ ის ადამიანები, ვინც ძალადობდნენ. ვფიქრობ, ნებისმიერ შემთხვევაში ასეთი ძალადობრივი მოვლენები ჩვენს სახელმწიფოს და ქრისტიანობას აყენებს ჩრდილს…
ადამიანი განსაკუთრებით სიფრთხილით ეკიდება იმ წყალობას, რასაც ჰქვია ოჯახი, სახარებისმიერი სიწმინდე. ეს კარგია, მაგრამ კარგი იქნება, რომ ჩვენ არა ამოგლეჯილად სხვადასხვა ცოდვა დავგმოთ, არამედ ზოგადად, ცოდვა დავგმოთ. საპატრიარქოს აქვს შესაბამისი კომისია და ალბათ იმსჯელებს იმ საკითხებზე, რაც ამ დღეებში გამოჩნდა ძალიან ცუდად“,- ამბობს მეუფე გრიგოლი
