მეუფე გრიგოლი – დაგვიკავშირდით და ჩვენი სამღვდელოება სახლში მოვა და იქ გაზიარებენ

არც ისე ხშირად ვეზიარებით ხოლმე ჩვენ, რომ მაინცდამაინც ეხლა ყოველდღიურად მოგვინდეს და ყოველ წირვაზე ზიარება, – ამ სიტყვებით ფოთისა და ხობის მიტროპოლიტმა მეუფე გრიგოლმა ფოთის მთავარ საკათედრო ტაძარში შეკრებილ მორწმუნეებს მიმართა.

ერთმანეთთან ფიზიკური სიახლოვის თავიდან არიდების მიზნით, მან ურჩია, წირვას ტაძრის ეზოდან მოუსმინონ.

„რამდენი ადამიანი ეზიარება და რა სიხშირით ეზიარება? მე გპირდებით და გეუბნებით – ვინც გაითვალისწინებს კურთხევას, საკუთარ თავსაც მოერიდება, გაითვალისწინებს იმ უსაფრთხოების წესებს, დაგვიკავშირდით და ჩვენი სამღვდელოება სახლში მოვლენ და იქ გაზიარებენ. არც ისე ხშირად ვეზიარებით ხოლმე ჩვენ, რომ მაინცდამაინც ეხლა ყოველდღიურად მოგვინდეს და ყოველ წირვაზე ზიარება. ზოგი მარტო აღდგომაზე მოდის, ზოგი მხოლოდ დიდ დღესასწაულებზე ეზიარება და ჩათვალეთ, რომ ჩვენი მარხვა ის არის, რომ შევასრულოთ ეს კურთხევა, რასაც გეუბნებით“, – მიმართა ფოთისა და ხობის მიტროპოლიტმა მორწმუნეებს.

მისი თქმით, თუ მორწმუნეები აღნიშნულ თხოვნას არ გაითვალისწინებენ, სამღვდელოება იძულებული გახდება, წირვა ნათლისღების ეკლესიის ეზოში ჩაატაროს, სადაც მხოლოდ 5 ადამიანი ეტევა.
„თუ ხედავ, რომ ტაძარში გაშლილად ხარ და მაინც ერთნამეთის სიახლოვეს გიწევს დგომა, თავად, თავის შეგნებით შეუძლია გავიდეს და გარეთ არის ხმის გამაძლიერებლები, ხმა ისმინება და არის ამის ყველა საშუალება, თუ თქვენ არ გაითვალისწინებთ ჩვენს თხოვნას, ჩვენს კურთხევას, ჩვენს დავალებას, იძულებულები ვიქნებით ნათლისღების ეკლესია რომაა ეზოში, გალავანში, იქ ჩავატაროთ წირვები, სადაც 5 კაცზე მეტი არ ეტევა. მაშინ დავდგებით და გარედან მოვისმენთ“, – განაცხადა მეუფე გრიგოლმა

banner
წინა სტატიაშიამირან გამყრელიძე – ჩვენ ყველამ უნდა გავითავისოთ დღეს, რომ ვცხოვრობთ საგანგებო მდგომარეობის ვითარებაში, ამიტომ, ყველა უნდა დაემორჩილოს დღეს იმას, რასაც სახელმწიფო ამბობს
შემდეგი სტატიამეუფე გრიგოლი: არ შეიძლება რეალობისა და სასურველის ერთმანეთში აღრევა