საპარლამენტო უმრავლესობის ერთ-ერთი ლიდერი მამუკა მდინარაძე არ გამორიცხავს რომ არჩევნების მეორე ტური შედგეს.
თუმცა ის დარწმუნებულია, რომ არჩევნების მეორე ტური მხოლოდ ერთ ოლქში გაიმართება. მდინარაძე არ აკონკრეტებს, კონკრეტულად რომელ ოლქს გულისხმობს და ამბობს, რომ მათი მონაცემებით, სახელისუფლებო კანდიდატი ყველგან იმარჯვებს.
„მეორე ტურს შესაძლებელია ერთ ოლქში ველოდოთ, აბსოლუტურად გულწრფელი რომ ვიყო. მოდი ჯერ ნუ დავაკონკრეტებთ ამას, მაგრამ ჩვენი მონაცემებით ფაქტია, რომ ყველა ჩვენი კანდიდატი ყველა ოლქში დამაჯერებლად ლიდერობს,“-განაცხადა მდინარაძემ.
