ანგელა მერკელის მეორე მოულოდნელი არაკონტროლირებადი შეტევის შემდეგ გერმანიის კანცლერი თავს კარგად გრძნობს და მას ჯანმრთელობის პრობემები არა აქვს – ამის შესახებ გერმანიის მთავრობის ოფიციალურმა წარმომადგენელმა მარტინა ფიცმა განაცხადა – AFP-ი წერს. შეკითხვაზე, თუ როგორ გრძნობს თავს მერკელი, რომელიც იაპონიაში G20 სამიტზე იმყოფება და რომელმაც გუშინ მეორე შეტევა გადაიტანა, ფიცმა უპასუხა, რომ კარგად. “ოსაკის ფოტოები და ვიდეო აჩვენებს, რომ კანცლერი აქტიური და ჯანმრთელია – მუშაობას აგრძელებს და დაგეგმილ შეხვედრებს ჩაატარებს” – დღეს თქვა ფიცმა.
გერმანიის მთავრობის მეთაურის ჯანმრთელობის მდგომარეობამ გუშინ ხელახლა გამოიწვია შეშფოთება, როცა მას მოულოდნელი კანკალი აუვარდა. მერკელს იგივე უკრაინის პრეზიდენტ ვლადიმირ ზელენსკისთან შეხვედრაზე დაემართა.
