რუსთაველის გამზირზე ძალადობრივი და ჰომოფობიური ჯგუფები მივიდნენ. აქციის მონაწილეები, საპატრიარქოს მოწოდების შემდეგ, ქაშუეთის ეკლესიის უკან შეიკრიბნენ, მოგვიანებით კი რუსთაველის გამზირზე, პარლამენტის წინ გადმოინაცვლეს.
აქციის მონაწილეებმა, საკანონმდებლო ორგანოს წინ გაშლილი ოპოზიციის მხარდამჭერების კარვები დაარბიეს. აქციაზე ასევე ისმოდა ძალადობრივი მოწოდებები. პოლიციას მათთვის ხელი არ შეუშლია.
აქციაზე იმყოფებიან, მოძრაობა “ერის” “ქართული მარშისა” და “მართლმადიდებელ მშობელთა კავშირის წარმომადგენლები”.
პრორუსი ჯგუფები ჟურნალისტების მიმართ აგრესიულები არიან და მუშაობაში ხელს უშლიან.
ფორმულას ჟურნალისტს, გუგა დვალიშვილს მიკროფონი წაართვეს და მოუწოდეს დაეტოვებინა ტერიტორია. ფორმულას ოპერატორს მიაყენეს ფიზიკური შეურაცხყოფა. ტაბულას ჟურნალისტს ღირსების მარშის საწინააღმდეგო აქციაზე თავში კეტი ჩაარტყეს.
https://youtu.be/dWw1lyCTP8c