მცხეთასთან ავტოსაგზაო შემთხვევას ქვეითის სიცოცხლე ემსხვერპლა. როგორც ცნობილია, 50 წლის მამაკაცს გზაზე გადასვლის დროს მსუბუქი ავტომობილი დაეჯახა.
ჟურნალისტებს შინაგან საქმეთა სამინისტროში განუცხადეს, რომ გამოძიება სისხლის სამართლის კოდექსის 276-ე მუხლის მე-5 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია. აღნიშნული მუხლი 4-დან 7 წლამდე პატიმრობას გულისხმობს.
