ეტყობა, ვიტალი კლიჩკომ კარგად არ იცის, საქართველოს ყოფილი პრეზიდენტი მიხეილ სააკაშვილი რამდენი მძიმე მუხლით არის გასამართლებული, – ამის შესახებ ჟურნალისტებს პარლამენტის ვიცე-სპიკერმა, გია ვოლსკიმ განუცხადა.
ვოლსკის თქმით, საქართველოს მიხეილ სააკაშვილთან დაკავშირებით თავისი პოზიცია აქვს.
„მცდელობა, თითქოს ყველაფერი სააკაშვილის გარშემო ტრიალებს და ეს არის მთავარი თემა უკრაინა-საქართველოს ურთიერთობაში, მცდარია და რაღაც პოლიტიკური ფანდია, რომელიც უნდათ, ჩვენმა ოპონენტებმა გაათამაშონ“, – განაცხადა ვოლსკიმ.
კიევის მერმა, ვიტალი კლიჩკომ საქართველოს ექსპრეზიდენტს, ოდესის ოლქის ყოფილ გუბერნატორს, მიხეილ სააკაშვილს თავისი პარტიის „უდარის“ ხელმძღვანელობა შესთავაზა.
