აზა ადამიას სახელობის მარტვილის მე-2 საჯარო სკოლა დისტანციურ სწავლებაზე გადავიდა. ამის შესახებ ინფორმაცია “თაიმერს” მარტვილის საზოგადოებრივი ჯანდაცვის ცენტრის დირექტორმა, როზა ჯანაშიამ დაუდასტურა.
მისივე განცხადებით, მე-2 საჯარო სკოლაში კორონავირუსი ოთხ მოსწავლესა და ორ მასწავლებელს დაუდასტურდა.
როგორც მარტვილის საზოგადოებრივ ჯანდაცვის ცენტრში აცხადებენ, 7 აპრილს მარტვილში კორონავირუსით ინფიცირების შვიდი ახალი შემთხვევა გამოვლინდა.
მათივე თქმით, მარტვილში ეპიდემიოლოგიური მდგომარეობა გართულებული და საყურადღებოა.
ავტორი: აკო ქიქავა