მარნეულში საშობაო ალილო მიმდინარეობს. მომლოცველებს მსვლელობაში სხვადასხვა კომპანიების და ადგილობრივი ხელისუფლების წარმომადგენლები შეურთდნენ, რომლებმაც ალილოს მონაწილეებს საჩუქრები და ტკბილეული გადასცეს. ალილოზე მოგროვებული ნობათი სოციალურად დაუცელ ოჯახებს დაურიგდებათ.
7 იანვარს მართლმადიდებლური სამყარო ქრისტეს შობის ბრწყინვალე დღესასწაულს ზეიმობს. ამ დღეს საქართველოს პატრიარქის ლოცვა-კურთხევით ტარდება ლიტანიობა, შობის დღესასწაულის ღამისთევის საზეიმო წირვაზე სამების საკათედრო ტაძარში პატრიარქის საშობაო ეპისტოლე წაიკითხეს.
ალილოს მსვლელობა საქართველოს ყველა რეგიონში იმართება.
