მარნეულის მე-13 საარჩევნო უბანზე დაპირისპირება ქართული ოცნების დეპუტატებსა და ევროპული საქართველოს დეპუტატებს შორის მოხდა. მიზეზი “ევროპული საქართველოს“ ინფორმაცია გახდა, რომლის მიხედვით, საარჩევნო უბნიდან გადასატანი ყუთი მთელი დღის განმავლობაში იყო გატანილი და გვიან დააბრუნეს, რასაც გამორიცხავს ქართული ოცნების დეპუტატი.
მოგვიანებით სიტუაცია განიმუხტა, მას შემდეგ რაც გაირკვა, რომ კანონმდებლობით, საარჩევნო გადასატანი ყუთი უბანზე 7 საათამდე უნდა იყოს.
ადგილზე მობილიზებულია პოლიცია. იქ ამ დრომდე რჩებიან დეპუტატებიც.
საქართველოში ადგილობრივი თვითმმართველობის არჩევნებზე კენჭისყრა დასრულდა. დღეს საქართველოს მოქალაქეებმა მთელი ქვეყნის მასშტაბით 64 საკრებულოს 2058 დეპუტატი და 64 მერი პირდაპირი წესით, 4 წლის ვადით აირჩიეს.