ოკუპირებული აფხაზეთის დე ფაქტო მარიონეტული რეჟიმის ლიდერმა, ასლან ბჟანიამ, რუსეთის პროპაგანდისტ ვლადიმირ პოზნერს დაბადების დღე მიულოცა და აფხაზეთში მიიპატიჟა.
ბჟანიამ 31 მარტს თბილისში განვითარებული მოვლენების შესახებ შეშფოთება გამოხატა.
“პატივცემულო ვლადიმირ ვლადიმიროვიჩ, სულითა და გულით გილოცავთ დაბადების დღეს. თქვენ და თქვენს ახლობლებს ბედნიერებასა და ჯანმრთელობას გისურვებთ.
შეშფოთებული ვართ იმ სიტუაციით, რომელიც თბილისში თქვენი ვიზიტის დროს განვითარდა.
მხოლოდ აღშფოთება შეიძლება გამოიწვიოს ე.წ. კავკასიელების ქმედებამ, რომლებმაც დაარღვიეს მრავალსაუკუნოვანი ტრადიცია.
პატივცემულო ვლადიმირ ვლადიმიროვიჩ, აფხაზეთში ყოველთვის გელიან. გეპატიჟებით გვეწვიოთ თქვენთვის ხელსაყრელ დროს”. – თქვა ასლან ბჟანიამ.
