თბილისის ინფექციურ საავადმყოფოში Covid-19-ით ინფიცირებული მოზარდი გამოჯანმრთელდა. ამის შესახებ კლინიკის სამედიცინო დირექტორმა მარინა ეზუგბაიამ განაცხადა.
მისი თქმით, ცენტრში სულ გამოჯანმრთელებულია 2 ახალი პაციენტი, ხოლო მძიმე მდგომარეობაში 3 პირი რჩება.
“3 პაციენტი რჩება მძიმე პნევმონიით. სიტუაცია მართასა და მკურნალობას ემორჩილება, ვნახოთ, ალბათ მალე ისინიც გადაინაცვლებენ საშუალო სიმძიმის პაციენტებში”,-აღნიშნა მარინა ეზუგბაიამ.
ინფექციურ საავადმყოფოში კორონავირუსი ამ დროისთვის 41 პაციენტს აქვს დადასტურებული.
საქართველოში კორონავირუსის 566 შემთხვევაა დადასტურებული. გამოჯანმრთელებულია 184 და გარდაცვლილია 6 ადამიანი.