ნატო უკრაინაში საომარი მოქმედებების ახალ, უფრო ფართო და სისხლიან ეტაპს პროგნოზირებს. ამის შესახებ ნატოს გენერალური მდივნის მოადგილემ, მირჩა ჯოანამ განაცხადა.
„ყველაფერი იმაზე მეტყველებს, რომ ძალიან მალე ომის მეორე, ძალიან სისხლიან ეტაპზე გადავალთ. ჩვენ პირველისგან განსხვავებული, ბევრად უფრო ფართო, უფრო რთულ და ძალიან სისხლიან საფეხურზე გადავინაცვლებთ, რომელიც როგორც აღმოსავლეთით – დონბასში, ასევე სამხრეთით – ყირიმსა და მარიუპოლისკენ იქნება“, – აღნიშნა მირჩა ჯოანამ.
მისივე თქმით, უკრაინასა და რუსეთს შორის დაპირისპირება წესით, არ უნდა გაჭიანურდეს.
„მიუხედავად ამისა, სავარაუდოდ, მშვიდობიანი მოსახლეობის ახალი დანაკარგები, უკრაინას კიდევ ექნება“, – დასძინა ნატოს გენერალური მდივნის მოადგილემ.
