რუსეთის მხრიდან აშშ-ს პოლიტიკურ ორგანიზაციებზე განხორციელებული შესაძლო კიბერშეტევა, რომელიც ამერიკელი ჩინოვნიკების მტკიცებით საპრეზიდენტო არჩევნებზე მოხდა, “ომის აქტი იყო” – გუშინ სენატორმა ჯონ მაკკეინმა განაცხადა, რომელიც 2008 წელს აშშ-ს საპრეზიდენტო კანდიდატი იყო რესპუბლიკური პარტიიდან. “თუკი თქვენ დემოკრატიის ფუნდამენტის დაშლას ცდილობთ, თქვენ ერს ანადგურებთ” – თქვა მაკკეინმა და დააზუსტა, რომ მას მხედველობაში არა აქვს ატომური შეტევა. “მე ვამბობ იმაზე, რომ ერის ფუნდამენტურ სტრუქტურაზე თავდასხმა ომის აქტია” – თქვა ამერიკელმა სენატორმა.
შეგახსენებთ, რომ აშშ-ს არჩეულ პრეზიდენტს, რესპუბლიკელ დონალდ ტრამპს არ სჯერა, რომ კიბერშეტევის უკან რუსები დგანან.
ტრამის ინაუგურაცია 20 იანვარს გაიმართება.