საქართველოს საპარლამენტო დელეგაცია, ევროპასთან ინტეგრაციის კომიტეტის თავმჯდომარის, მაკა ბოჭორიშვილის ხელმძღვანელობით, 28 სექტემბერს უნგრეთს ეწვევა.
ვიზიტის ფარგლებში დაგეგმილია საქართველოს პარლამენტის დელეგაციის შეხვედრები უნგრეთის სახელმწიფო მინისტრთან უსაფრთხოების საკითხებში, ეროვნული ასამბლეის ვიცე-სპიკერთან, საგარეო ურთიერთობათა კომიტეტის თავმჯდომარესთან და კომიტეტის წევრებთან, ასევე ევროპულ საქმეთა კომიტეტის წევრებთან.
ვიზიტის მიზანია საქართველოს ევროკავშირში გაწევრიანების გზაზე უნგრეთის მხარდაჭერის განმტკიცება, ასევე ორ ქვეყანას შორის პოლიტიკური, სავაჭრო-ეკონომიკური, ტურიზმის, კულტურისა და განათლების სფეროებში თანამშრომლობის ხელშეწყობა.
საპარლამენტო დელეგაციის შემადგენლობაში არიან საგარეო ურთიერთობათა კომიტეტის წევრი ირაკლი ჩიქოვანი და ევროპასთან ინტეგრაციის კომიტეტის წევრი ჰერმან საბო.