სკანდალური დოკუმენტური ფილმის “ნევერლენდის დატოვებისას” გამოქვეყნების შემდეგ, ინდიანაპოლისის საბავშვო მუზეუმმა საგამოფენო დარბაზიდან გაიტანა ამ შტატის მკვიდრის, პოპ-მუსიკოს მაიკლ ჯექსონის ნივთები – The Hollywood Reporter-ი წერს.
“ჩვენ, როგორც მსოფლიოში ყველაზე დიდი მუზეუმი, ჩვენს ვიზიტორებს ვუფრთხილდებით. უსაფრთხოების მიზნით ეს ნივთები იქამდე გავიტანეთ, სანამ სიტუაცია ნათელი არ გახდება” – მუზეუმის ადმინისტრაციის მიერ გავრცელებულ განცხადებაშია ნათქვამი. სულ ექსპოზიციაში სამი ნივთი იყო.
მუსიკოსის ოჯახმა ტელეარხ HBO-ს, რომელიც ფილმის საავტორო უფლებების მფლობელია, სასამართლოში უჩივლა და 100 მილიონი დოლარი მოითხოვა 1992 წელს დადებული შეთანხმების დარღვევისთვის, რომლის თანახმადაც, HBO ვალდებული იყო მაიკლ ჯექსონის ღირსება და პატივი არ შეელახა.