საქართველოს საგარეო საქმეთა მინისტრის, მიხეილ ჯანელიძის თქმით, საქართველოში ამერიკის შეერთებული შტატების ვიცე-პრეზიდენტის მაიკ პენსის ვიზიტი არის მნიშვნელოვანი გზავნილი და ხაზს უსვამს საქართველოსა და აშშ-ს შორის პარტნიორობის ძალიან მაღალ დონეს.
ჯანელიძის თქმით, განსაკუთრებით მნიშვნელოვანია, რომ საქართველოში ვიზიტი ხორციელდება ისეთ ქვეყნებთან ერთად, როგორიც არის ესტონეთი და მონტენეგრო.
„ეს ხაზს უსვამს საქართველოსა და აშშ-ს შორის პარტნიორობის ძალიან მაღალ დონეს და ხაზს უსვამს, რომ საქართველოს მთავრობასა და ახალ ადმინისტრაციას კარგი ურთიერთობა აქვს ჩამოყალიბებული. ეს გამოხატულია არა მხოლოდ ამ ვიზიტისას, არამედ მიღებულ გადაწყვეტილებებში“, – განაცხადა მიხეილ ჯანელიძემ.