მაია რჩეულიშვილს ახალი ადვოკატები დაიცავენ

„ცენტრ პოინტის“ საქმეზე ბრალდებულ მაია რჩეულიშვილს ახალი ადვოკატები დაიცავს. ამის შესახებ ჟურნალისტებს რჩეულიშვილის შვილმა, გუკა რჩეულიშვილმა განუცხადა.

აღსანიშნავია, რომ ახალი ადვოკატების მიერ საქმის მასალების გაცნობის მიზნით, „ცენტრ პოინტის“ საქმეზე დღევანდელი სხდომა, დაცვის მხარის შუამდგომლობით გადადო. პროცესი 25 მაისს გაიმართება.

ამასთან, გუკა რჩეულიშვილის ინფორმაციით, სასამართლო პროცესების პარალელურად მიმდინარეობს საპროცესო გარიგებაზე მუშაობა, თუმცა „პირობებზე ამ ეტაპზე საუბარი ზედმეტია“.

საქმის პროკურორის, ლაშა კოტრიკაძის განცხადებით კი, დაცვის მხარის მხრიდან მიმდინარეობს პროცესების გაჭიანურების მცდელობა. თუმცა, მისივე თქმით, საქმეს ბრალდება ბოლომდე მიიყვანს და ის დასრულდება ბრალდების გამარჯვებით.

რაც შეეხება საპროცესო გარიგებაზე დასმულ შეკითხვას, კოტრიკაძის თქმით, პროკურატურის პოზიციაა, რომ საპროცესო შეთანხმება მოხდება მხოლოდ იმ შემთხვევაში, თუ „ცენტრ პოინტის“ მშენებლობით დაზარალებულებს ზიანი აუნაზღაურდებათ.

რეკლამის ბანერი
წინა სტატიაშიმიხეილ ჩინჩალაძე სააპელაციო სასამართლოს უვადო მოსამართლეა
შემდეგი სტატიაანა მარგველაშვილი : „მიხეილ თათარიშვილს 18 აბი სუბოტექსი ჩაუდეს, ის უდანაშაულოა“