მეუღლისა და შვილის მკვლელობაში ბრალდებულის, მაგდა პაპიძის პატიმრობის ვადა დღეს გახდება ცნობილი.
თბილისის საქალაქო სასამართლოში სასჯელის ზომის შესახებ გადაწყვეტილება 11.00 საათზე გამოცხადდება. ბრალდება 16-დან 20 წლამდე ან უვადო პატიმრობას ითვალისწინებს.
მაგდა პაპიძის მიმართ გამამტყუნებელი ვერდიქტი ნაფიცმა მსაჯულებმა 4 ივლისს გამოიტანეს და იგი დამნაშავედ ცნეს.
ამასთან, პაპიძის მოთხოვნის მიხედვით, მოსამართლე სასჯელზე გადაწყვეტილებას ნაფიცი მსაჯულების მონაწილეობის გარეშე მიიღებს.
მაგდა პაპიძის პროცესი სამ კვირაზე მეტხანს მიმდინარეობდა. დაიკითხა პროკურატურის 60-მდე და დაცვის ორი მოწმე.
