„მაესტროს“ თანამშრომლებმა გაფიცვა შეწყვიტეს. ტექნიკური ჯგუფი და ჟურნალისტები სამუშაოს დაუბრუნდნენ. ეთერში 6-საათიანი „კონტაქტი“ და გადაცემა „ბიზნეს კონტაქტი“ გავიდა.
დღეს “მაესტროს” თანამშრომლები სახელფასო დავალიანების დაფარვის მოთხოვნით გაიფიცნენ. “მაესტროს” 55%-იანი წილის მფლობელი, გია გაჩეჩილაძე მათ შეხვდა და ხელფასების დროულად გაცემის პირობა მისცა.
თათბირზე გაირკვა, რომ ხვალ, 11,00 საათზე დამფუძნებელთა კრება გაიმართება, სადაც ტელევიზიის ახალი დირექტორის დანიშვნის საკითხი გადაწყდება. დირექტორობის კანდიდატია ზურაბ ნაყეური.
